الى روح الغائب
كتبهاسالم السيف ، في 19 سبتمبر 2007 الساعة: 05:23 ص
كل العيون مرطبات الهدايب
وجفوننا ماهي على الدمع تنلام
عفنا السهر والليل والخل غايب
والنوم عند اللي خليين الاجسام
عشنا وشفنا مسويين العجايب
امثال شجعان الأواليد باقدام
هذا فهد مع سابقين الحبايب
اللي بهم فزعة مظاليم الاسلام
مرحوم يا نسل القروم العرايب
بعداد فوق اللي بتحصيه الأرقام
يا الله غفرانك تنصاه تايب
منك الرجا تعطيه غفران الاثام
وانت الذي تجبر عظيم المصايب
وبرحمتك تجلى صعيبات الايام
9 \ 9 \ 2007 دلهي
ـــــــــــــــــــــــــــــــــــــــــــــــــــــــــ
التصنيفات : نبطيات | السمات:نبطيات
أرسل الإدراج | دوّن الإدراج
