رد الورود ورد كل الهدايا

محدن شريت وباعني غير انت

هذي صفاتك مثل باقي البرايا

بيع الكلام وللمصالح تمسكنت

وين الكلام ووين كل المزايا

اللي بها اغريت قلبي وتمكّنت

منته جدير بخافقي والحنايا

وخر بعيد بكل لون ٍ تلوّنت

يومي أجيك وصادق ٍ بالنوايا

ارخصتني بعد الذي فيك بيّنت

مابيه من يحسب حساب لسوايا

ويفكر بغيري وانا فيه آمنت

يكفي خلاص ولا تزيد الخطايا

ما عاد يمشي قول: انا بس انا كنت

مو عندي تذرف هالدموع الجرايا

ما عاد اصدق كلّما تذرفه بنت

25 / 5 / 2007

أضف الى مفضلتك

ـــــــــــــــــــــــــــــــــــــــــــــــــــــــــ
التصنيفات : نبطيات | السمات:نبطيات
أرسل الإدراج | دوّن الإدراج

امنحني فرصة من النقد البناء
فأقدم الأجمل بمساعدتك

سالم السيف