جواهر

ابي ارتاح من بعض المشاعر
تعب قلبي وقلت اكتب قصيده

تركت الشعر ودموع المحاجر
وماحسيت الا اكتب جديده

حصل اني بطب اسنان عابر
وصاعد فوق للقاعة البعيده

لمحت اللي من اول يوم خابر
بأني خايف اني صرت بيده

هذاك اللي جفونه كالخناجر
تصيب الروح بالرميه السديده

تهول العين في مشية أكابر
وتقتلني اذا مرت وحيده

توسلت بعيوني لين كابر
وزاد الطين بطبوعه العنيده

تعلقت بغزالٍ حرّ نادر
فقير الحظ واخترت الفريده

قبل عامين شافتني اناظر
وشاحت جفنها عني وجيده

وانا من يومها ماكنت جاسر
اشوفه مرة في نظره مديده

عطاها الله جمالٍ حيل باهر
ترك بالقلب أشجانٍ عديده

الا ياليتني دكتور ماهر
عساس تشوفني صيده جديده

او اني كنت مجنون ومغامر
وماني عين بالحسره سهيده

عسى ماذقت بعدك .. ياجـواهر
طعم للنوم دام انتي سعيده

11/4/2000009

أضف الى مفضلتك

ـــــــــــــــــــــــــــــــــــــــــــــــــــــــــ
التصنيفات : نبطيات | أرسل الإدراج | دوّن الإدراج

امنحني فرصة من النقد البناء
فأقدم الأجمل بمساعدتك

سالم السيف